Page 22 - Feux-d-holieres

Les nϞds

Dju l’croyous mâte souyeû, dju li â d’mandé d’ m’âdi
Pou ab’lanci l’boûli qui pèdout d’zeûr la voûye.
Quand dju l’ans ieû flachi, qu’i follout l’dessouyi,
«V’là in gros nœûd», qu’è dit l’souyeû.
Coumme i n’atout m’ deûx côps vaillant,
I n’souyout quaûsimèt d’dès fradjants.
Quand i r’sougnout d’avoir des rûjes
Aveu ’ne tiyante soquette ou in nœûd abèrzi,
I-lavout bin vite fât du s’trouvè des aûlûjes
Èt pa d’dès l’dgin des aûtes d’ s’a dèqueûre bin vlètî.

«Vote nœûd, dju n’vous l’catch’râ m’, vote nœûd, qu’è dit l’souyeû,
Gn’è p’t-ête bin pou des aûtes, pardjè, qu’ça n’ s’rout qu’in djeû!
Faûrout d’abôrd des bounnes utîes
Peûs prinre su tèps pour n’mi s’hodèr,
Més mi dju n’â qu’des hatutrîes
Èt dj’arous peûr du l’chalmardèr.
Dj’â bin ène sârpe mais qu’est chardâye
Èt ène souyette qui n’è pus d’voûye,
Ène hatchette qu’est toute ruboulâye,
Des cugnes qui sant tout roudges d’aroûye.
Dj’â co bin ’ne hatche qu’est dèmétchîe
Ène vieille rucipe qu’est toute teûlâye.
Tout ça noum’dan c’est d’la farraille :
Pou fâre mirôque, ça n’ s’rout m’ âji»

Gn’è m’ t-i des nœûds aûssi dès la vie d’tous les djous
Pou des dgens t-avaû-là fradgis d’misére èt d’sougnes,
Pou des paûves lâds dèmans qui v’nant djè d’an n’sait d’où,
Qui d’vant s’batte pou viqui èt pou ça n’ant qu’leûs pougnes?
Nœûds pou s’fâre ambaûchi èt n’mi s’fâre dètchessi
Pace qu’an z’est d’in aûte race, d’in aûte couleûr surtout,
Nœûds pou s’lodgi, s’neûri, des nœûds tout bètchvessis,

22