Page 50 - Pa-d't'avau-les-autes-côps

Et dj’ vôrous n’ sacante côp à la neût clôre in uche,
M’assîre pou m’ ratchauffi pa d’ léz l’ feû qui clârtîe
55 Ête aute tchôse qu’in minâbe qu’è toudjous ’tu à chuche,
Sète au moitî des autes, la tchaleûr du la vîe.
Peûs m’ a-n aller coûtchi à d’jant : «Bansoir, mès dgens!»

M’adormi sés sondgi qu’avant les âres du djou,
In’ faurè m’ dèbôrèr èt fâre coumme les pidgeans
60. Qui s’ avant trompé d’ cadge èt qu’ an dètchèsse toudjous.
Mâs sondji qu’au matin, dju r’trouv’râ l’ mème culot,
Qu’an m’y lârè rassire à la taule coumme les autes,
Quu dj’ n’arâ pus dijette du rapougni m’ ballot
Et qu’ dju n’ s’ râ pus tout’ nèt’... in pauve lâd vî apôte! 29

65. Coumèt dijéz-v’? V’a-n n’ éz vote saû
D’ voir in preûnâ qu’è l’air si trisse
Et pa la crâye, pou l’ dârnî côp,
Vous m’ bâyéz: «Quu l’ Ban Dieû v’assisse!»

Pou quu l’ Ban Dieû m’ assisse, i faurout quu v’ l’âdinche
70. Et les miraques, savéz-v’, an n’a voit m’ tous les djous
Paç’ qu’i faurout d’abôrd quu tous les hoummes s’ aiminchent
Et qu’i douvrinchent leûs huches aus pus maleûreûs qu’ zous!
Mas gn’ a-n è d’ trop, pardiè, qui n’ voyant qu’ leû bouneûr
Et qui s’ croyant trop fèls quu pou bachi leûs uyes
75. Su les pauves mau vitis coumme s’i portins malheûr
Et trainaint pa d’ri zous la misère èt les duils.
C’est pus âji, noume-dan, du s’èqueûre su les autes
Et d’ trouvèr des ôlûches pou n’ racassi pèchône,
D’ ravouyi l’ pauvèrteû du Pilate à Hérôde
80. Et peûs du l’ rabowér quand’ i veût dère sa pône.
Quand an s’è bin r’pachi, c’ n’èst m’ malâjî, savéz-v’

66. Preûnà: s. masc.: quémandeur, qui sollicite avec insistance.

48