Page 47 - Pa-d't'avau-les-autes-côps

El pauverteû

27

ju n’a peux pus, ... dj’a-n à pèsant!
Gn’ è combin d’ djous quu dj’ seûs en route
Quu pou dormi, dj’ n’à quu l’ wasan
Et qu’ d’huche à huche, dju bribe ma croute...

5. Coumèt dijéz-v’?... Vous n’ mu r’mettéz m’?
Ça n’ m’ètoûnne mi, dj’ seûs tout flâci,
Et les minâbes, vous n’ les r’cudéz m’ :
Les djens cou me mi, an s’a mèfie!!

Gn’ è pont d’ dandji, savéz-v’ pourtant
10 Et n’y è m’ dijèete du v’ achôrèr :
Dj’ â mès papîs, dju n’ seûs m’ mèchant,
Dju v’ dèhal’râ quand’ vous vôréz.
Mâs, dj’ seûs hodé : dj’â tant martchi,
Dj’â tant dètrainé m’ baluchan
15. Qu’ des mès solés, mès pîds cortchis
D’ des leûs paltés sant tout à sang.
Et dj’ s’rous bin’ âje du m’ rapâji :
Ça fât mout d’ bin aus pauves «mènhères»
Pa des côps d’ causèr à plâji
20. Et d’ racontèr toutes leûs misères.

Coumèt dijéz-v’ : vous n’ v’léz rin hôre
V’ ez trop d’ hassoi pou m’ècoûtèr,
Et c’èst pou ça qu’ vous m’ lâyéz d’hôrs
Et qu’ pa la crâye, vous m’ èrwâtéz!

16. Palté: s. masc.: morceau de toile dont les paysans s’entourent les pieds en été en guise de
chaussettes pour éviter les échauffements

45