Page 48 - Pa-d't'avau-les-autes-côps

25. S’v’ ez du hassoi, c’èst bin la bâle.
C’èst quu d’ l’âdance, v’ a-n n’ ez dijette.
Dj’ seûs dèssoclè èt tout bancâle,
Mâs dj’ fârous bin vôs olivettes. 28

Dj’ aprè’rous la cuj’ nâye èt peû dj’ la dèbrôl’rous.
30. A wârdant la mâjan du d’sus l’ banc au pignan,
Dj’arous l’uye aux afants èt peû dj’ les y fârous
Des chouflèts d’sau pèteuse èt des clisses du seûgnan.
Dj’ à boune idée, savéz-v’, qu’i m’aim’rint bin tourtous!
Dj’ les y dèrous des flauves qu’ an dijout les autes côps...
35. S’i-l avaint du plâji, dj’ a-n arous co d’pus qu’ zous :
Ça s’rout ma pau d’ bouneûr ... Câ dju n-n â m’ eû bécôp!
Dju n’ vous broûyrous m’ des masses à l’hivér au culot
Et dj’ ahal’rous co moins bin sûr à la bûch’rie.
Dj’ vèrous quére des chinières à wayin des l’ grand bos
40. Et dju v’ fès’rous des hanses su des cècs du côrie.
Pou alleumér vote feû, dj’ aprèt’rous les bûchettes.
La potâye à pèlèr, pouquoi quu dj’ nu l’ fârous m’?
Et dju n’ seûs m’ co friand : aveu quèques roustiquettes
Ene trèpâye au matin, ... dj’ s’rous l’ pus heûreûs des hoummes!

45. Coumèt dijéz-v’? Dj’ seûs in nich’reûx
In campagnon qui n’ sait d’ oû batte,
In camp volant, in vî bribeûx
Qui bin r’pachi, leuve la savate?

Bin vous v’ trompèz, savéz-v’ si v’ croyéz qu’ c’èst d’ bon cœur
50. Quu, coumme in tchin sés mâte, dju dône à hâre, à hète
Câ dj’ brâ co bin souvèt quand’ dju sondge à m’ malheûr
D’ète tout seûl su la tèrre et qu’ pèchône nu m’ ratède!

27. Déssoclé : démonté, branlant.
32. Sau péteuse : saule Marsault (salix caprea).
39. Chinière : branche de coudrier dont l’écorce débitée en lanlères appelées chinons sert à
la confection des banses. A Virton : chin’lîre.
40.Cèc’ : cercle; cerceau rond ou ovale; ici :chinière plus grosse et entière tournée en ovale
et qui sert de bord à la banse.
40. Côri: s. masc.: coudrier (Corylus Avellana).

46