Page 44 - Pa-d't'avau-les-autes-côps

’N faut m’ lu broûyi, il èst hodè
S’ pitit valèt l’ lârè dormi.
D’mê au matin, i fârè djou.
Gn’ arè du s’lo, an djourè co
Et not’ pitit s’rè coumme toudjous
L’ pus bé d’ tourtous, aveu s’ tricot.

Clojéz vos uyes, pitit valèt.
Saint Nicolâs tripèle toudjous
Et s’i vint t’t- à l’heûre ècoûtèr,
Faût qu’i n’oyiche pus rin tchûz nous.
«Roum’ dou doum’, Colâs Robin»
35. «Gn’ è note cheval qui n’ va nî bin»
«Et note bôchèle qui n’ sait dansi»
«Note pitit tchin la môn’rè bin»
«Djusqu’ au tchu du vîs moulin.»

Note pitit houmme crèch’rè bin vite
40 Pou quu p’pa aviche pus âji.
Des deûs grands tchfaus, v’arez la guite
Et la tcharrûe èt la cordjie.
Mâs, pou crèchi, faut fâre dôdô
Toute la neûtîe sès s’ dècatchi.
M’man s’rè bin’ âje, sacré maraud
Et n’ sondgrè pus à v’ dèhûtchi.

V’ez clôs vos uyes, pitit valèt.
V’atéz mout bé quu dj’ dèmeûre co
Coumme pou tchèssi l’ «Henri Crotchèt»
Et tous les cés qui v’ f’rint du mau.
«Roum’ dou doum’ ... Colâs ... Robin...»

42