Page 45 - Pa-d't'avau-les-autes-côps
P. 45
A mes parents et à mon frère regrettés
TOUSSÊT
26
lotches qui sounnant, vèt qui chouffèle!
Coumme des grosses larmes tcheujant les fuilles
Clotches qui sounnant pou tous les duils
Coumme des «autes côps» qu’an èchampèle!
5. Ign’ è pus d’ rôses su les rôsis,
An r’vique les pônes d’ène vie entière.
Gn’ è pus qu’ des fleûrs du çoumeutière
Qui d’mai probâbe s’rant co flâcies
La gôrdje su nowe du s’ sète au bôrd
10. Du noir hivér aveu sa bîje.
La tèrre est trisse, i fât tout grîje
Et les carbeaux criant la môrt
Les môrts ruv’nant au réz d’ la neût
Aveu l’ hûjé, sounnèr la trance
15. Qui boûche à l’uche du note souv’nance :
Tchagrins d’èchoi, tchagrins d’aneût.
Et tous ces djônes qu’ ant ’tu cudus
Coumme des belles paumes su les èteûles
Paç’ quu la guèrre fautche à l’aveûle
Et qu’ tous les âdges sont confondus!
8. Flâci : adj. : flértei, fané.
43
