Page 21 - Les paumes su les èteules

I les î manquout âque mâs n’a savint la peûle
Èt quand i djèmichaint paç’ qü l’vèt les tordout,
S’i-l ataint si tchagrins, c’est du s’ sète tout mêr-seûls,
C’est qui gn’ avout pèchôene qui les î rèpandout.
Èt peûs v’là qu’in bé djou les grands âbes ant djèmi
Paç’ qü dud’peûs leû pîd djusqu’à la coupette,
In aute vie qu’ leû prope seûve è choufflè èt frèmi
Èt qu’ des êtes, du zoux-z’autes, pou viqui avaint d’jette.
Ca les bêtes èt les bos ant ’tu fât l’inque pou l’aute...
Les bos y ant trouvè leû râjan d’in plei côep;
Les bétes avant nodu qu’ sês les bos pou zoux-z’autes,
El pèriraint tourtoutes ou gn’a d’meurrout m’ bécôep.
Èt les bétes ant rôechî les quôeches èt les racines;
Pou mougni les houlines, les djôenes’ ant tcheû du ciel,
Les bautj’ ant racassi les glands èt les fayines,
Les gnètes èt les ampôenes avant bayi leû miel.
Èt les bêtes affamâyes ant traquè les fouyis :
Pou s’adeumè la misse, eune su l’ aute èl’ heuraint.
El djou, les djôenes choufflaint d’dès l’ bos leû gazouyis,
Mâs par neût, tous les fauves a houlant s’ dèchèrint.
Peûs l’ houmme è v’nu à s’ tou a pernant leûs vouyètes
Afrouyîes pa leûs pas, a cheûjant leûs passadges
Èt coume i d’vout viqui, tout c’ qu’ il avout dijette,
I l’è tchèrtchi lu-même, a f’ant les mêm’ carnadges.
Des fayines èt des glands, des meûrans, des ampôenes,
Fallout pou s’ a r’pachi qu’i disputiche sa paût
Aveu les èquerans, les vichaux èt les djôenes
Èt qu’i s’ wardiche des leus qui nu l’ lâyint-m’ en r’pôs.
I-l è trouvè d’dès l’bos la flèche èt l’arbèlète
Et, pou suquè les bétes, des gros djarès d’Côerf.
Èt l’houmme s’a-n’ è servi, mussi d’dès les catchètes,
Pou guettèr coumme les r’nauds èt surpinre èl djibi.
Il è drèssi sa hutte su des tançons d’ tchên’ré.
Des fowèl’ èt des gnètes èt des fradjans d’ boûlî,
A-n ant fât la carcasse. — N’ avout-m’ t-i co l’ mous’ré
Pou z’à bouchi les crâyes èt pou s’a fâre in lit?...
Il è tchaquè les pièrres èt l’feû an-n’ è brichi.
La flamme a clârtichant è adeumè la cuche :
Èt vlà qu’au feû d’ la terre, el bos l’è ratchaufi :
Lu, qui l’avout dédjè lodji, neûri, viti,
V’nout d’in côep, des grands s’crêts, li drouvi l’preumi huche!!!
Aveu l’ bos qui brûlout, les pierres avant fondu :

19