Page 24 - Les paumes su les èteules

Au poète gaumais, Fernand Bonneau.
J’efface l’espace, le temps,
Je guéris du dernier mensonge.
Anne-Marie Kegels

La neût

A neût qui tcheû rapâje toutes les sougnes èt les pôenes
Qui tout l’ long d’ la djournâye m’adeumant tout- à vic
13
Èt gnè qu’à slo boutant , qu’a crantant dju m’ rutôene
Èt qu’ dj’ échue djusqu’à d’mai la chueûr qui m’ dèpique.

14
Dju m’ sès tout rapâri quand’ dj’ dèqueûs les glowés
Fâts d’ gueûz’rîes d’ carabins qui m’ant cortchi les pîds.
Quand’ i r’fârè co djou, dju rapougn’râ l’howé :
Aneû, dj’a-n â mout veû, qü dj’à l’cœûr tout flâcî...

Man Djë, qü dj’ seûs bin-âje èt qué plâji d’ m’assîr
Au culot tout mêr-seûl èt d’ rètrè d’dès mi-même
Pou r’viqui ’t’a rêvant, – a toûyant des souv’nirs –
D’ heûres qu’i faut qu’on r’grèttiche pou sondgi qu’on les aime.

Èt dju r’vois coumme d’èchoi tous les longs djous d’ma vie :
Djous d’ plôve èt djous d’ sulo, djous d’oradje èt d’ noireûr.
Mâs s’ dj’ â brâ pa des côeps, à la neût dju l’roublîe
Pou n’ wârdi qu’ la souv’nance des lucâyes du bounheûr.

Aveu toutes cès lucâyes, dju m’ fâs l’pus bé des ciels...
Èt coumme dju m’sès milleûr èt prête à m’ attenri,
Si dj’î tchertche des nuâyes, dju n’vois qu’ les ombrielles
Des mentes du la djournâye qui n’ mu font pu souffri ...

13
Slo boutant : soleil couchant, crépuscule.
14
Rapâri : détendu, apaisé.

22