Page 37 - Les paumes su les èteules

Le difficile, dans la vie, c’est de prendre au
sérieux longtemps la même chose.
André Gide

In bouheûr rutrouvè

J’ â veû r’passèr d’ lez mi in grand bounheûr perdu,
In bounheûr qü dj’ â brâ, qui m’ fout mau les aut’ côeps.
Dj’ l’ â r’veû tout dèlônè èt n’ viquant pus bécôep,
Preûnant qu’ dju l’ racassiche, qu’ la vie l’ avout mordu.

Dj’ l’â r’prins d’dès mès deûx mês èt, pou les rachandi,
Dj’ â choufflè s’ mès souv’nances pou les fâre rutchantèr,
Mès doigts avant r’trouvè les caresses du d’dès l’ tèps
Èt dj’ â wâti d’roublîre tout c’ qü dj’ avous soufri.

Dj’ arous v’lu dère les mots qui garichant tout nette
Mâs dj’ â seûs qu’ ç’atout mi qu’ a-n avous bin l’ pus d’ jette
Quand dj’ â ieû mins m’ pôeve cœur à nu.

Pou r’bailli in avri à ç’ bounheûr dèflori,
Dj’ n’ â pont r’trouvè d’ rouzâye èt quand il è r’parti,
Dj’ n’ â pu rin fât pou l’ r’tunu.

35