Page 41 - Les paumes su les èteules

Dj’â traqué ces djens-là d’pus qu’ dj’â dit d’orémus :
Dj’ n’â seû voir anichi les doquets pau crapauds,
Ni les pus bés des nids dènâvès pau vichaus
Ni co hôere les tchantrés s’pinre pou des «orgâmus»!!. ..

Quand sounn’rè slo boutant, qu’i faurè s’adormi,
Vous m’ pardounn’rez, man Djë, si dju n’ l’â m’ toudjous fât.
Si tène est m’ baluchon, dju sais bin qü t’ tafât
S’rè comptè bin-à-pont... èt qu’ v’arez pitiè d’ mi,
Même si dj’ â les mês veûdes!...

Si dj’ brâ pou l’ dârni côep, dju sais bin qü v’ m’hôerez
Èt qu’ si l’ dârni passadje doit m’ cortchi tout-à-vie,
Si dj’ bâye a m’ dèbattant avant qü d’ tcheûr à pic,
Dj’ sais bin qu’dju m’soumettrâ quand’ èt coumme vous vôerez,
Même si dj’â les mês veûdes!...

39