Page 39 - Les paumes su les èteules
P. 39
Au poète Frédéric Kiesel, mon ami.
Quand la neût dèchadrè
UAND dju r’vinrâ tchûz vous, qü l’slo, s’rè dèchèdu,
Bés vlladges des autes côeps est-c’ qü m’ r’counurez
Aveu mès tch’feux tout blancs èt mes ûyes étindus
Èt m’ vî cœûr tout pèsant èt d’l’annoûye djusqu’au rez?
Oûte les bos du d’ tchûz nous, croyant trouvèr des s’crèts,
Dj’arâ martchi tout plei pou rapli ma saclette
Èt dj’arâ m’sôe, pardiè, du n’ trouvèr qu’ des leum’rettes
Èt des gueuz’rîes d’maraud croûyies su tchèque fûillet.
Mâs v’ s’rez toulà, noume dan, pou m’ racude èt m’ gari
Aveu vôes huches au laûrdge èt vôes méches tout floris
Èt pou m’ pinre pa la mai quand dj’ trèbèl’râ trop fôert.
Dj’ roublîrâ toutes mes sougnes èt dj’ rîrâ d’ vôes chornettes.
Pa t’ t’avau vôes méchons à r’trouvant mes vouyettes,
Coumme mes djous s’rant pâjoles à ratèdant la môert!
37
