Page 40 - Les paumes su les èteules

Ayez pitié, mon Dieu, de l’homme seul et nu.
Pierre Nothomb

Slo boutant

UAND sounn’rè slo boutant, qu’i faurè s’adormi
A lâyant tcheûr l’ûti au tchû d’ la darnière roûye
Èt qu’ tafât s’ ètindrè èt qü dj’perdrâ la voûye,
Qué qü v’dèrez, man Djë, èt qué qü v’fârez d’mi,
Si dj’ arrive les mês veudes?

Dj’ n’ arâ d’ jette du pèchôene pou portè m’ baluchon
Pac’ qu’i n’ s’rè m’ gros m’moncé d’bounne œuve à dèhatchi
Èt qü dj’ n’arâ m’ tchèque côep, quand’ dj’ y à ’tu hutchi
Fât tout c’ qui follout fâre pou racude vote mèchon.

Man Djë, dêrâ-dje, vou’m’ là coumme vous m’ez fât, ma foi,
Èt coumme dj’ â ’tu al’vè, toute ma vie dj’â viqui.
D’dès les cés qu’ dj’â counnu, pardiè, gna-n’ arè qui
Dèrant qü dj’ n’atous m’ tenre mâs mi dj’ sais bin pouquoi.
Les fels, les grandiveûs, d’j â jamês seû les node.
Ni tous les hauts-la-queue qu’ant roubli d’où qu’i v’nant,
Prêts à tous les tchinisses, aux plouyettes à l’avenant
Quand’ ça peut les sèrvi pou s’ hissi d’zeûr les autes.
Èt coummèt tède la mê à tous ces marauds-là
Qui potchrint l’pôeverteû à viquant d’ sa chüeur,
Qui dègugnant les autes pou wâti d’les fâre tcheûr
Èt s’mussi s’ la coupette pou fâre leû tra-la-la
Dj’a-n â tant veû, pardiè, qu’arint vlu fâre accroire
Qü les aut’ n’ant pu fai quand’ zoux sant bin r’pachis
Ou bin qu’i n’ant pu fra quand’ zoux sant bin vitis,
Qui n’ layant tcheûr leûs miettes qü quand an peut les voir...

Dju n’aimous-m’ cès djens-là ni les traites qu’avant hâte
Du s’tinre ari des cés qui les ant l’ pus adi
Èt qui hagnant la mê qui les è rachandis
Ou r’niant sès vergougne leû parole èt leû Mâte.

38