Page 36 - Les paumes su les èteules
P. 36
En hommage à Madame Anne-Marie Kégels, poète.
Tu m’as jeté comme une pierre
sur les eaux...
P. Nothomb
Co longtèps?
N’ arè-t-i co longtèps du slo d’zeûr ma vouyette
Èt des fleûrs pa t’ t’avau les près èt les holières? –
Gn’ arè-t-i co longtèps des mês pou m’ rapâji,
Des mês quand dj’seûs hodè, des mês prètes à m’ bîchi,
Èt pou m’ gari d’ mès sougnes, rutrouvra-dje les prières
Qü dj’ rutnous les autes côeps sès les compinre toutes nettes?
Èt les fûilles su les âbes après les neidges d’hivér,
D’dès les nids ravètès, les djôenes qui s’ racouplant,
Les belles rues St-Bernard après les plôves d’oradje
31
Èt l’soçon qu’est toulà pou r’bailli du couradge
Quand’ dju crante, – èt les huches qui s’douvrant tant qu’i plant
Pou qu’ tout tchèquin saviche qu’an n’mu rwâte mi d’ travérs?
S’râ-dje co longtèps bin-âje èt tchantrâ-dje co souvèt
La tchanson des bés djous fâts d’ bounheûr èt d’ sulo? –
Dj’m’â gugni ’ne sacante côeps èt dj’ m’à fât des boûcés. 32
Dj’ a-n’ â djèmi, pardiè, mâs dj’ â roublî les cés
Qui m’ rotchint des caiyôes èt tchèque veille au culot,
Les flammes m’ant rachandi a ralleumant l’couvet.
El Cé qui m’ è hutchi èt qui tint la buchette
Nu m’è chouflé s-n alôene qu’ a m’ marquant d’in côep d’croûye.
D’ la coupette du horlé, I m’ voit v’nu ’t’ a plouyant
Èt s’I veut, du s’peûtchèt, I peut foulèr m’ crouyant.
Avant qü d’clôere les ûyes èt tcheûr au tchu d’ la roûye,
Gn’ arè-t-i co longtèps du slo d’zeûr ma vouyette? ...
31
Soçon : le compagnon, l’asocié, employé également dans le sens de parasite.
32
Boucé : bosse que l’on se fait à la tête en cognant un corps dur.
34
