Page 26 - La boot dè sau - Cafè Suisse

El dîner don djargôt

In djargôt sas s’troupî dèvolout la rivière.
I n-n avout dècidé, avant d’ratrer, hier.
«Dj’ péch’rà tout seûl à hâre, les oûyes vèrant à hotte,
Què ç’què dj’ fârous bin d’zolles, allo, elles sant si sottes!»
Vè l’ là qui s’lâye glissi das l’courant d’la Djaûne Âwe,
I n’sondge mi à mîdgi – i n’est m’ l’ heûre – fât l’poirî
Au hotche-quoue su ène queuche, i-l onze montrer s’dèri
Èt das s’djargon d’djargôt, dèhutche ène vié qui châwe...
Arrive tout d’mime in taps qu’ l’estoumac’ lî gargouille
«Si djè m’mettous en tchesse, n-y è bin n’ bande dè djaûnîs
Là-bache d’lez les ragosses, atère les deux aûnîs,
Tout bin sondgi, dj’îme mieux estranler ène sarsouille»
Oïl, mais ces bîtes-là, longtaps v’plez les tchartchi
Ça n’ sè trouve mi toudjous coumme don beurre au martchi!
Les djaûnis, èchaurés, el tra d’ça ant filé...
Èt les viches mè dèrez-v’? ça li baille la firâwe
Note naroux n’a veut pont! Pourtant vite a nedgc d’âwe
À foûche a vain d’ couri, i-l a vint à s’bîler
Bin’ âje enfin d’dîner d’in tout p’tit djargôgôt.
L’ voyant r’vènu couillon, les oûyes et les oûssons
T-a crâquant, lî tchantant à zoû moûde ène tchanson.
Houit, dix djous les oreilles ant coûné au djargôt

Zoû tchanson
C’est ma l’çon
Si v’veulez à vote fî v’rapli èt ête rèpache
N’rawârdez m’ el rouillot, gafez-v’ dè soupe aux poiches!

24