Page 16 - Pa-d't'avau-les-autes-côps
P. 16
Dârnis Conseils
à y èst, c’èst l’ dârnî djou : dumè tu s’rès soldat,
Dit la mère affolâye à s’ djôn-houmme du vingt ans.
Gn’ è l’ gârde champète qu’è v’ nu t-à-1'heûre
[m’annonci ça!
T’arous dû t’ fâre malade au Bureau du R’crut’ment!!
Dj’ seû sûre qu’i n’ t’arî m’ prins; à ç’ t’heûre, il èst trop tard...
Èt peûs, c’ n’èst m’ lu tout d’ ça : a d’oû ç’ qu’i vont t’ fourrer?
I n’y r’wâtant m’, pardiè : t’ vèrès p’t-ête des les chârs,
Dj’ â mème veû s’ la gazette qu’i gn’ a pârt en Corée!...
Tantôt, dj’â prèparé ta valise pou parti :
Dj’ â mins tout c’ qui fallout: des hârdes pou pus d’ quinze djous
Et in bon pé avu (si v’ n’atî m’ bin neûrris!)
Câ, c’èst qu’ t’ès co friand èt qu’ tu n’ mougnes mi co d’ tout!
Ah, èt peûs, l’ trè qu’ dj’y sondge, nu roublî m’ tu n’échârpe :
On ramasse vite in rheume pa du tèps coumme i fât ...
T’a-n arès bin dijette quand tu montrès la gârde
Et dj’ seûs sûre quu t’ dèrès: «Vara, ç’atout bin vrâ.»
Tout l’ tèps du ç’ préambule, lu père qui n’è m’ bouf’té,
A croupète au culot, canî d’ des la cuj’ nâye.
I vôrout bin dère âque, mas ratède pou causer
Qu’ la feumme atiche voûye trâre ou sougni la nicâye.
Des qu’elle èt l’pîd tôné, i s’ rapprotche du djône-houmme
Et coummèce à causer d’ la ville èt d’ sès plâjis.
Il èst tout plé pus libe pour causer d’houmme à houmme,
Mâs pou l’ mette au courant,... çu n’èst m’ co si âji...
«Octave, mu fis, dit-i, tu vins d’avoir vingt ans,
Dj’arous d’jè dû tu l’ dère, faut qu’ tu l’ saviches in djou,
Eh bin... Oh, v’rètréz d’jè, Marie, v’éz sougni les pouchlans!
Eh bin, ... Saint Nicolas, ç’atout mi qui l’ fayous!
14
