Page 17 - Pa-d't'avau-les-autes-côps

FOIRE AUX POUCH’LANS

h! gn’avout pont d’dandgi, savéz-v’, qu’an lès
manquiche
Les grandes foires aux pouch’lans qu’ an fayout lès
autes côps
Et quand an atout djônes, i follout qu’ ça sâriche
Pou n’ mi trouvèr l’ moyen d’y dônèr in p’tit paû.

5. Dudpeûs les âres du djou, les bâreaux n’arètint m’
D’amoûnèr du d’ partout des grandes caisses du pouch’lans,
Des djônes droles à faux cols, des feummes qui n’ su tajaint m’
Des hoummes aveu des guètes, traînant des grands bâtans.

Gn’ avout des Ardinois, qu’arrivaint d’ leûs villadges,
10. Qu’avaint parti d’ bounne heûre pou v’nu vède la nicâye
A pèrnant pou l’ tchuvau in gros botré d’foûrradge
Et des gros ochans d’pé pour zous, d’ dès la djournâye.

I gn’ avout des Gaumais, des Hoguèts èt des autes ...
Gn’ a-n-avout d’ toutes les sôrtes, èt des djônes èt des vis,
15. Qui triplint t’ tavau-là, allant d’ène caisse à l’aute,
Tchapouyant les tchourètes èt les bés gros courîs.
7

4. Dôner : v. Intr. : muser, flâner.
5. Les âres du djou : le commencement du Jour.
5. Bâreau : s. masc.: tombereau.
10. Nicâye : s. fém.: nichée.
16. Tchapouyi : v. tr.: triturer, palper, soupeser.
16. Tchourète : s. fém.: jeune truie.
16. Courî : s. masc.: goret

15