Page 18 - Pa-d't'avau-les-autes-côps

Djusqu’au moiti d’ la route, les grandes caisses s’alignaint
An enl’vout les èdris èt les couvértes à roûyes.
A s’mussant des la paille, les pouch’lans qui rat’naint
20. Betch’ vèssis d’dès les coins, s’ratchauffaint d’dès leus soûyes.

Et toute la matinâye, çu n’atout qu’ martchotadges.
An s’ tchoquout d’dès les més, an s’ causout à l’oreille.
Quand’ les feummes s’à mèlaint, ç’atout des caniadges
Qui n’ finichaint jamais sès bailli la dringuelle!

25. Ç’ qu’an z-à veûdout, des chopes d’ dès tous les cabarets!
An z-a f’out des martchîs à buvant la rincette
Ou à trèpant la croute d’dès la jatte du cafè
L’ tèps qu’ les tch’faux su r’pâchint, l’potré des la musette.

Les djônes droles atint fèls quand i p’lint s’ parmounèr
30. A chôgnant d’rî les fîyes, tchèrtchant des occâsians
L’ tèps qu’ les mères èt les gosses n’arrêtaint m’ du tônèr
Dud’ dès toutes les boutiques pou fâre leûs coummissians

Paç’ qu’ an z-à profitout pou r’garni les mènadges!
An rach’tout des cassans, ... in couchû ... in tchèpé,
35. In nouvé casavec èt toutes sôrtes du bagadges
Et quand ç’atout la f’naû, ... in faumène, ... in ruté...

In houmme qu’an r’counnuchout rin qu’aveu s’roudge foulârd,
Bin sûr, ç’atout l’cotcheû qui v’nout pa tous les tèps.
An lî d’mandout d’ passèr d’dès la s’maine au pus târd
40. Pou tchètrèr les pouch’lans ou pou cruchi leus dèts.
8
Ah! ç’atout in vara : il avout toudjou swa :
Fallout payi la goutte co putot deûx côps qu’inque.

19. Mussi : v. tr.: cacher.
19. Rût’ner : v. lntr.: grogner, en parlant des cochons; par extension, se dit de quelqu"un qui
harcèle pour obtenir quelque chose. A Virton : rûter.
26. Rincette : s. fém.: petite goutte qui se boit après le café ou après une autre consommation.
38. Cotcheû: s. masc: castreur.
41. Cruchi : v. tr.: écraser.

16