Page 28 - Pa-d't'avau-les-autes-côps

LU COCASSI.
16

passout l’ mercudi, tout l’ villadge lu savout
Et d’ène sumaine à l’aute, an lî wardout les ûs.
Apatrè su l’ paquis, èl blanc tch’fau ratèdout
Quu l’ beûrre atiche batu èt tous les ûs r’cudus.

5. Câ l’honmme n’atout m’ prèssè èt tout l’ monde l’ahètchout.
I n’ follout m’ in gros signe à l’heûre du marèdè
Pou l’ fâre assîre à taule èt peû quand’ i médjout,
I follout bin ‘n grosse heûre avant d’ête dèhalè.

Quand l’ venr’di à mîdi, i r’vunout du martchî,
10. Il avout plè s’ pèni d’ boutèyes èt d’ potiquets
Pou sougni les maux d’ vête èt les agaces aus pis.
Ou des drogues pou les bétes d’ des des bés grands satchets.

Paç’ qu’i savout les r’mèdes qu’i follout rapôrtèr!
I d’jout: «La s’maine qui vint, dj’arâ djusse çu qui v’ faut».
15. Et ç’atout ma foi vrâ, an voyout r’djibaudèr
Des djens qu’atint mèplotches ou qu’ant dijout bin maux.

Les nouvèles qu’i savout à lîjant les gazettes!
Câ ç’atont d’ politique’ qu’i causout l’ pus v’lètî.

3. Apatrer : v. tr.: empêtrer, entraver. Litt.: attacher par la patte.
5. Ahètchi : v. tr.: retenir, attarder. Vient de ahèt : s. masc.: personne sans énergie.
8. Dèhaler : v. tr: débarrasser.
11. Agace : s. !ém.: pie. Ici : cor aux pieds.
15. R’djibauder : gambader de nouveau.
16. Mèplotche : adj. : perclus.

26